زخمه

عزیزیم آرا وئرما

اورگه یارا وئرما

ایسته میسن آغلایام

زخمه نی تارا وئرما

            دئرناغ 

        عزیزیم داغا گلمز          

  بهار سن سیز گدن سیز

 چوللرگول سیز چمن سیز

   سن گئدننن عزیزیم

قوشلار قالئبدی دن سیز

بهرامی

   عزیزیم بیزه گلمز 

   بهارپاییزه گلمز  

  آغلارام بولوت کیمی   

  یارئم تبریزه گلمز 

بهرامی   

  عزیزیم گوله بنزر     

 گولوم بولبوله بنزر    

مجنون گوزیله باخسان   

لیلی سونبوله بنزر    

بهرامی  

 

چارپاره

عزیزیم درده چاره

قلبیمه وئرما یاره

نیسگیللی سوزچوخیدی

شعر اولدی چارپاره

بهرامی

 

موشگول

یاخاما گول ساچان یوخ

کومه کیم وار، هاچان یوخ

داده یئتیش ابوالفضل

موشگولوم وار آچان یوخ

بهرامی

 

   دومان

داغلارباشی دوماندی

یاریمئن باغری قاندی

بیر اوت دوشدی اولکه یه

هم یاش هم قوری یاندی

بهرامی

 

سئوگی

عزیزیم رز گولی دی

باغچامئن اوز گولی دی

اورگیمین سئوگی

اونون شیرین دیلی دی

بهرامی

 

گلمز

دردلریم سانا گلمز

اولدوزوم دانا گلمز

هریانا گئتسه یاریم

هئچ واخ بویانا گلمز

بهرامی

 

ساز

پایئزئم یازا گلمز

شعریم آوازا گلمز

ایتیرمیشم اوزومی

سوزلریم سازا گلمز

بهرامی

 

 

 

عزیزیم هارا گئتدی

اورکده یارا گئتدی

خان چوبانا دئیین کی

سئل گلدی سارا گئتدی

بهرامی

عزیزیم هی سئزلدار

ائله بیل نی سئزلدار

عاشیقین احوالینه

خمداکی می سئزلدار

بهرامی

یارئن الی آچئخدی

گون باتماخداآی چئخدی

یئدوخ یارئن پایئنی

دیلیمیزه پای چئخدی

        بهرامی      

عزیزیم گول بوخچاسی

قزل گولون قونچاسی

سئیره چئخاندا خیال

اولار اورک باغچاسی

بهرامی

بیر شیکارام یارالی

اورگیمی یارآلی

آیریلئقا دوزمرم

اوخویارام یارالی

بهرامی

عزیزیم گون باتاندا

گللم آتان یاتاندا

سن منه گوز وئرارسان

من سنه قاش آتاندا

بهرامی

عزیزیم قار گوله سی

قئشئن بوزی چله سی

منی ایاخدان سالار

آپارتمان پله سی

بهرامی

سقل باش آینا داراخ

گل بیز جئناخ سئندئراخ

من سنی اوتسام اگر

باهم اولاخ باجاناخ

بهرامی

عزیزیم قارا تللی

گئیمیشم کفش میللی

انسانئن ایچری سی

اشیگدن اولماز بللی

بهرامی

عزیزیم کندووان دا

آدامئم یوخ دیواندا

بیر آهو گوز قئز گوردیم

بولاخدا اوز یوواندا

بهرامی

چلچراغ

عزیزیم گول بوداغی

غنچه لنر دوداغی

دئسه لر یارین گلیر

یاندیررام چلچراغی 

                                                       بهرامی

قبله داغی

عزیزیم قبله داغی

دوشمنیم قان چاناغی

من اکرم آغاجی

او سندئرار بوداغی

                                                       بهرامی

                                                  آرخام    

عزیزیم آرخام اولدی

گونوم کئچدی شام اولدی

هر کیمسه عاشیق اولدی

آخیرده بد نام اولدی

                                                           بهرامی

                                                           آنــا

آنــا ائلـــــین دایاغی

آنــا ائوین چـــئراغی

آنــا چوخ گورکملیدور

عیــن اورست داغی

                                                       بهرامی

نئجه گلمز

عقلیم وار وجــه گلمز

گون گئدر گئجه گلمز

دئییللر گلــــــمز یارون

عشق اولسا نئجه گلمز

                                                              بهرامی

آینــــالی

تبریزه باش آینــــــــالی

گوز اوسته قاش آینالی

شهریمیــــــــزین زینتی

عشقه هامـــاش آینالی

                                                                                               بهرامی